A A A
Giella Giella Giella
Neahttaresursa váhnemiidda,
geaid mánát leat skuvllas

Meny

Buori ovttasbarggu ruovttu ja skuvlla gaskii ovddidit:

Oktavuođaváhnemat
Oktavuođaváhnemat čatnet oktii joavkku/luohká váhnemiid ja Váhnenráđi bargolávdegotti (VBL), nu maiddái váhnemiid ja skuvlla.

Váhnenráđđi – váhnenráđi bargolávdegoddi (VBL)
Buot váhnemat, geaid mánát leat skuvllas, leat skuvlla váhnenráđi lahtut. Váhnenráđđi vállje bargolávdegotti (VBL), mii lea váhnemiid jietna skuvllas. VBL galgá earret eará sihkkarastit, ahte váhnemat besset duođas leat mielde váikkuheamen ja ahte sis maid galgá leat ovddasvástádus das, ahte ohppiin lea oadjebas ja buorre oahppanbiras.

Ovttasbargolávdegoddi (OBL)
Ovttasbargolávdegoddi lea skuvlla bajimuš ráđđeaddi orgána, mas buot skuvlla osolaččat leat ovddastuvvon: Oahppit, váhnemat, oahpahusbargit, eará bargit ja guokte gieldda ovddasteaddji, main nubbi galgá leat rektor. OBL:s lea vuoigatvuohta cealkit oainnus buot áššiid hárrái, mat gusket skuvlii. (OBL sajis sáhttá leat doaibmastivra).

Doaibmastivra lea ovttaskas skuvlla stivra ja dan sáhttá buohtastahttit fitnodaga stivrrain. Doaibmastivrraid ulbmil lea ahte buot skuvlla osolaččat galget leat ovddastuvvon mearrideaddji orgánas. (Doaibmastivra sáhttá leat OBL sajis).
 
Skuvlabiraslávdegotti ulbmil lea sihkkarastit, ahte skuvllas lea vuogádatlaš bargu buori skuvlabirrasa ovdii. SBL galgá leat skuvlla ráđđeaddi orgána dakkár áššiin, mat dasa gusket. Oahppit, váhnemat, skuvla, skuvlla bargit ja gieldda ovddasteaddjit galget leat ovddastuvvon lávdegottis. Váhnemiin ja ohppiin galgá ovttas leat SBL máŋggaidlohku.
Skuvlaeaiggáda ja rektora ovddasvástádus dat lea fuolahit, ahte ráđđeorgánat ásahuvvojit ja doibmet oahpahuslága mearrádusaid mielde.
 
Gieldda váhnenlávdegoddi (GVL)
Ovttaskas skuvlla váhnenlávdegotti (VBL) ja riikkadási VVL gaskkas ii leat mihkkige lágas nannejuvvon váhnenorgánaid. Sullii 180 (oktiibuot sullii 430) riikka gielddas leat ásahan gielddadási váhnenlávdegotti eaktodáhtolaš vuođuin. GVL ulbmil lea bálddalastit gieldda skuvllaid dárbbuid/sávaldagaid, bargat skuvlejumiin ja fuolahit gulahallamis vásáhusaid birra. GVL:s berre leat viiddis ovddasteapmi, ja galgá leat politihkkariid ja skuvlahálddahusa lunddolaš ovttasbargi.

Vuođđooahpahusa váhnenlávdegoddi (VVL) lea riikkadási lávdegoddi váhnemiidda, geaid mánát leat skuvllas.
 
Share on Facebook Add to Twitter Tip a friendCavgil ustibii Printer friendlyČálit

Ressursbank