Gielddaid váhnenlávdegottit (GVL)
Ovttaskas skuvlla váhnenráđi bargolávdegotti (VBL) ja riikkadási VVL gaskkas ii leat mihkkige lágas nannejuvvon váhnenorgánaid. Sullii 180 (oktiibuot sullii 430) riikka gielddas leat ásahan gielddadási váhnenlávdegotti eaktodáhtolaš vuođuin. GVL ulbmil lea bálddalastit gieldda skuvllaid dárbbuid/sávaldagaid, bargat skuvlejumiin ja fuolahit gulahallamis vásáhusaid birra. GVL:s berre leat viiddis ovddasteapmi, ja dat galgá leat politihkkáriid ja skuvlahálddahusa lunddolaš ovttasbargi.
Gieldda váhnenlávdegottis leat dábálaččat gieldda skuvllaid VBL-jođiheaddjit lahttun. Stuorra gielddain ferte válljet stivrra. GVL ásaheami sáhttet johttáhit sihke váhnemat ja skuvlla hálddahus.
GVL vejolaš doaimmat:
- Bargat áššiiguin, maidda buot gieldda skuvllain lea beroštupmi, omd. bargat givssideami vuostá.
- Bajidit gieldda váhnemiid gelbbolašvuođa, omd. lágidit oktavuođaváhnenkurssa ja/dahje kurssa skuvlla ráđđeorgánaid lahtuide.
- Juohkit dieđuid áigeguovdilis áššiin, mat gusket buot gieldda váhnemiidda.
- Ovddidit buori ovttasbarggu gieldda skuvlahálddahusain ja skuvlapolitihkkariiguin.
- Leat oinnolaččat, aktiivvalaččat ja konstruktiivvalaččat mielde duddjomin buoremus vejolaš skuvlla.
Tips en venn
Skriv ut