Ovttasbargolávdegoddi (OBL)
Ovttasbargolávdegoddi (OBL) lea skuvlla bajimuš orgána ja das leat buot skuvlla osolaččat ovddastuvvon: oahppit, váhnemat, oahpahusbargit, eará bargit ja guokte gieldda ovddasteaddji, main nubbi galgá leat rektor. OBL:s lea vuoigatvuohta cealkit oainnus buot áššiin, mat gusket skuvlii.
OBL sáhttá cealkit oainnus čuovvovačča hárrái:
- Bušeahttaárvalus
- Skuvlla doaibma- ja ovddidanplánat
- Ruovttu ja skuvlla ovttasbargoplána
- Skuvlaárvvoštallan
- Skuvlaráhkadusaid ođđasit huksen- ja bajásdoalloplánat
- Skuvlla diehtojuohkindoaimmat
- Skuvlagirjeráju girjjiid válljenprinsihpat
- Asttuáigedoaimmat
- Skuvlasáhttu
- Johtolatdilit ja mo skuvlageainnu sáhttá sihkkarastit
- Ortnetnjuolggadusat
Cavgil ustibii
Čálit