Váhnenráđi bargolávdegoddi (VBL)
Buot váhnemat, geaid mánát leat skuvllas, leat skuvlla váhnenráđi lahtut. Váhnenráđđi vállje bargolávdegotti (VBL), mii ovddida váhnemiid oainnuid skuvlii. VBL galgá earret eará sihkkarastit ahte váhnemat besset duođas leat mielde váikkuheamen ja ahte sis lea duođalaš mielovddasvástádus das, ahte ohppiin lea buorre ja oadjebas oahppanbiras.
Válgaortnet
Juohke skuvla galgá ieš organiseret luohkáid oktavuođaváhnemiid ja VBL ovddasteddjiid válljema. Dan oktavuođas lea mávssolaš, ahte buot váhnemiidda lea vuđolaččat muitaluvvon luohttámušolbmuid doaimmaid birra ja ahte bargolávdegotti válljemis váldet vuhtii jotkkolašvuođa. Válgaortnega njuolggadusat berrejit leat čálalaččat ja gullat VBL njuolggadusaide.
VBL láhkavuođđu lea oahpahuslága § 11-4.
VBL doaimmat
- VBL berre bargat oadjebas ja sihkkaris oahppanbirrasa ovdii. Loaktin lea mávssolaš mánáid oahppamii.
- VBL sáhttá leat mielde skuvlla árvvoštallanbarggus.
- VBL sáhttá bargat skuvlabirrasa ovdii, mas ii leat givssideapmi.
- VBL sáhttá bargat dan ovdii, ahte oahppit ožžot buoret sosiála fálaldaga.
- VBL sáhttá lágidit kurssa oktavuođaváhnemiidda.
- VBL sáhttá lágidit čoahkkanemiid váhnemiidda ja oahpaheddjiide.
- VBL sáhttá leat kanála, mii juohká dieđuid váhnemiidda.
VBL berre ovttasbargat sihke ohppiidráđiin, skuvlla njunnošiin ja bargiiguin. VBL sáhttá leat maid oktavuođas lagaš birrasa servviiguin, organisašuvnnaiguin ja ealáhusaiguin.
VBL galgá ovddastit buot skuvlla váhnemiid ja ovddidit buori ovttasbarggu ruovttu ja skuvlla gaskii.
Tips en venn
Skriv ut