Visning: A A A A A
Giella Giella Giella

Vuoigatvuođat

Váhnemat leat mánáid bajimus fuolaheaddjit. Sis lea riekti váikkuhit ja mearridit ovttas skuvllain. Vuođđoskuvlla ulbmilparagráfa dadjá ahte skuvlla oahpahus galgá dahkkot ovttas ruovttuin ja ruovttu áddejumiin.

Mánáin leat skuvllas vuođđovuoigatvuođat:

  • Juohkehaččas lea riekti fysalaš ja psykososiála skuvlabirrasii mii ovddida dearvvašvuođa, loaktima ja oahppama.
  • Skuvlla oahpaheddjiin galgá leat relevánta fágalaš ja pedagogalaš gelbbolašvuohta
  • Oahpahusa galgá heivehit juohke oahppi návccaide ja eavttuide.
  • Ohppiin lea riekti oažžut nuvttá almmolaš vuođđoskuvlaoahpu.
  • Ohppiin geat eai sáhte ávkkástallat dábálaš oahpahusas, lea riekti oažžut spesiáloahpahusa.

Váhnemat sáhttet váidit jus oaivvildit ahte sin máná rievttit eai gokčojuvvo. Váidaga galgá sáddet skuvlii vuos, das maŋŋil suohkanii, ja loahpas lea Fylkkamánni loahpalaš váiddaásahus.

Váhnemat namuhuvvojit skuvlalágain

Dán liŋkkas Oahpahusdirektoráhtas leat vuođđoskuvlla ohppiid vuoigatvuođat ja geatnegasvuođat.

Áiggotgo eambbo diehtit, deaddil Norgga leavgga.